A hora da poesia com Gilda da Luz

Nes vida nu ta tenta fugi até di nos mesmo...

Nos pensamentos ta torna nos piores inimigos 

Medo ta camuflano nos menti 

Ta dexano intendi ma facilmente nu ta vencedo. 

Desdi dia qui nu bem, nu sabi ma nu ta torna bai, 

Pa ondi? Nu obi ta flado, ma distino final só oras, qui nos  hora txiga.

Mentis sta tudo doenti,  conturbados e lcego... 

Nu sta torna nos partida mas fugaz 

Sentido di vida, sta torna num plano sem objetivos ,

Tempo sta torna redemoinho sem bento, carregado di poera, 

Sima si razom de Ser, dja ca bali mas, ser persistido. 

Tudo qui é  real

sta torna banal...

Cada palavra flado 

“… -ma ta fica tudo bem, tudo ta ruma, cada kusa tem si dia ku se hora...", 

Dja perdi na turbulência.

Tudo kusas  dja bira camuflados, sonhos sta  mas raso  qui nenhum odjo ca sta consigui  inxerga pa corason ca xinti...

Kusas dja bira tão  rabesco qui quel ultimo sopro di vida, ta recordado djunto quel punhado di terra pa nunca mas. 

Liberta, 

liberta bu ixistir di prisão 

Liberta des vida tafo... 

Liberta alma di ser invisível…

Gilda da Luz 

18/03/2024