Jovem cabo-verdiano, natural de Ilha Brava, tem empresa de transporte em Portugal
Joven cabo-verdiano di 32 ano ê dono di empreza di transporte di passageru na Portugal
ORA KI SONHO TA KUMANDA VIDA...
Sonho, determinason, persisténcia, trabadju y sacrificio. João Soares, cabo-verdiano nascidu na ilha Brava, ê desdi Novembro di 2014 dono unico di SoaresTour, um empresa di transportes de passageiros ku sede na Lisboa, Portugal. Empreza ta ofereci un servisu inovador di transporte di passagerus ku un frota ki ta bai desdi veiculos di 4 lugar ti autocarros di 55 lugar, alguns adaptadu pa cadeiras de rodas ou pa transporte di crianças.
NU TEN KI ACREDITA NA CUZAS KI NU TA FAZI...
Ku determinason, fe y persistencia es joven bravense fla ma sempri ê luta pa rializa si sonho. També ê acredita.
Sima txeu otu jovens cabo-verdianos ê txiga Portugal ku 17 ano pa bai trabadja, si pai ki manda buscal. So ki pa alén di trabadja Joao Soares studa. Baxu di esforsu y sacrificio e tra si primeru carta di conduson y nunka + ê ka pára : Ê tra carta na tudu categorias y ê ka perdi ninhun oportunidade di alarga si conhecimentos na campo di transportes rodoviários de passageiros. Ê ten kursu di transportes profissional di mercadorias mas João konfesa ma ê ten + vocason pa transportes di pessoas ( Tambe ê ten formason especializadu na transporte de crianças).
E es vocason pa lida y trabadja ku pessoas ki lebal a abri si propri empreza dipos di fazi + un kursu sobre geston de empresa di transportes.
Un ano dipos di inaugurason SoaresTour ê hoje un empresa konxedu y ruspetadu na Lisboa, sobretudu na seio di kumunidade cabo-verdiana ki sempri ta solicita si servisus. Ê un soluson ideal pa kenha ki kré conxi Portugal en grupo ou en delegason mas tambe ê podi lebau pa excurson pa Spanha y otus paizes di Europa. Basta bu contactal atraves di tel ou email pa bu fazi bu planu. Boa viagen!!!
Qual é a sua reação?
