Konxe es jovem ki sa distaca na um área ki ta flado me pa mudjer mudjer

Bom pa comesa nha nome é Bruno Miguel Miranda, Natural de ilha Brava, cu apenas 22 anos de idade.

Cu 18 anos de idade n tive de parti pa ilha de Santiago pa bem faze formação na Área de Secretariado executivo, mas pam ca bem fica ta depende so de nhas pais pa cobrim tudu nhas despesa li na Praia n decidi djobi algum trabadjo que pam pode contribui nem se cu poco, n procura trabadjo na varios areas k n tinha conhecimento mas sempre n dado cu porta na rosto, mas do nada n fica ta odja trabadjos relacionados a estética, n caba pa gosta de area, pa quebra preconceito de certas pessoas k ta fla estética e area de trabadjo pa mudjer “Não “ mi n ca ta bem scodji nenhum trabadjo que digno pam trabadja sabendo ma li na Cabo Verde encontra trabadjo sa um pouco dificil, do nada n publica na pagina “procuro ofereço emprego Cv” ma n sa procura trabdjo como cabeleireiro ou esteticista, derepente n consigui trabadjo na um Salão de estética que txoma Embelezar, unde que n comesa ta da nhas primeiros passos, mas ami nunca passam pa mente ma n ta bem serba esteticista, mas na decorrer do tempo n comesa ta apaixona pa area, n foca n prende faze quaze tudu relacionado a estetica mesmo sem formação algum na area ,n caba pa comesa ta conxedo nha trabadjo.

Nca desiste de nha Formação ja que era quela que era maior motivo de pom a trabadja, n trabadja e studa ao mesmo tempo mas n caba pa vence, djan termina nha formação mas n continua cu nha trabadjo na Estética , cu tempo se parce oportunidade n pode faze formação na estética, n foi maquiador na Miss praia Maria 2018 , dipos de kela n fazedo mas um Proposta de trabadjo pa mas um Spa li na Palmarejo que txoma Beauty experience, dipos de 4 ano na Embelezar n tivi que ta larga e bem trabadja na Beauty experience, graças a deus sta conxedo cada vez mas, n sa fazedo txeu proposta de trabadjo li na inicio de Dezembro, n sa bai trabadja na mas um Spa novo que sta abri li mesmo na Palmarejo que txoma Labell , em fim pa kenha que cre conxe mas nha trabadjo n tem pagina na facebook e Instagram, Facebook: Esteticista Bruno Miranda, Instagram:@esteticista_bruninho1

Concelho que n ta dexa pa tudo jovem que sta desempregado e que pex ca scodji trabadjo de trabadja basta é digno ca ta importa se area feminino e masculino o importante e sai de desemprego e sigui em frente.

dexamsabi